میں ہوں تو وہاں پھر بھی مرا نام نہ آئے
گر بزمِ طرب میں وہ سرِ شام نہ آئے
کیا میکدہ کیا ساقیء بے فیض کا ہو ذکر
رندوں کے لبوں تک بھی اگر جام نہ آئے
دیکھے سے جنہیں جان سی آجاتی ہے تن میں
وہ چاند سے چہرے بھی سر بام نہ آئے
اترے نہ فضاؤں سے زمیں پر یہی دیکھا
دانا تھے پرندے جو تہ دام نہ آئے
کرتا بھی شکایت تو بھلا کس سے میں کرتا
بھائی تھے بہت پھر بھی مرے کام نہ آئے
بھولا ہوا اب جانیئے نہ جانیئے ان کو
جو صبح گئے گھر سے مگر شام نہ آئے
کھلا نہ کہیں جائے حسن پھول سا چہرہ
اس دھوپ میں باہر مرا گلفام نہ آئے
کتاب: خواب دیکھا نہ کرو
شاعر: حسن عسکری کاظمی
